Ниво А2 спаѓа во категоријата Основен корисник според Заедничката европска
референтна рамка за јазици (CEFR). На ова ниво, слушателот може да разбира и користи
фрази поврзани со секојдневни ситуации.
Согласно ова ниво слушателот ќе биде способен:
– да искажува фрази и основни изрази поврзани со секојдневни потреби (на пр.
шопинг, работа, семејство, патување и слободно време)
– да разбере едноставни пораки, информативни текстови и упатства.
– да учествува во кратки и едноставни разговори на секојдневни теми, ако
соговорникот зборува бавно и јасно.
– да побара и даде основни информации за производи, услуги, работно време,
насоки.
Во делот на граматиката, А2 ниво е клучно за изучување на минатото свршено време,
идното време и заповедниот начин (императив) – фундаментални алатки за комуникација
на кој било јазик. Главниот фокус во А2 ниво е на овие глаголски форми кои му
овозможуваат на слушателот да зборува за минати свршени дејства или идни планови и
намери. Без нив, комуникацијата е ограничена на едноставни сегашни или општи фрази
кои не се доволни за секојдневни или посложени разговори. Заповедниот начин пак е
многу корисен во секојдневната комуникација бидејќи овозможува слушателот да побара

нешто, да даде совет или да упати некого да направи нешто. Сите инструкции, упатства,
рецепти и насоки користат заповеден начин.
Понатаму, ова ниво го опфаќа изучувањето на четвртиот падеж во грчкиот јазик –
генитивот, кој не е покриен во нивото А1, со што се комплетира изучувањето на сите
падежи. Со комплетирањето на падежите слушателот има основа правилно да се изрази,
да разбере граматички структури во текстови и да премине на посложени граматички
феномени.
Освен основното учебно помагало, во текот на курсот се користи и работна тетратка за
дополнителни вежби како и дополнителни вежби преку наставникот. Програмата е
збогатена и со вежби за слушање, вештина што директно влијае на способноста за
разбирање и комуникација.